वासिङ्टन डीसीः अमेरिकी राष्ट्रपति डोनाल्ड ट्रम्पले क्यानडाबाट आयातमा ३५ प्रतिशत कर लगाउने घोषणा गरेका छन्।

ट्रम्पले क्यानडाका प्रधानमन्त्रीलाई पत्र लेख्दै अघिल्लो करको बदला लिएकोमा आलोचना गरेका छन्।

नयाँ कर फेन्टानिलको प्रवाह र अनुचित व्यापारिक अभ्यासका कारण लगाइएको बताइएको छ।

अमेरिकी राष्ट्रपति डोनाल्ड ट्रम्पले अगस्ट १ देखि क्यानडाबाट आयातमा ३५ प्रतिशत कर लगाउने घोषणा गरेका छन् । ट्रम्पले आफ्नो सामाजिक सञ्जाल प्लेटफर्म ट्रुथ सोसलमा क्यानडाका प्रधानमन्त्री मार्क कार्नीलाई सम्बोधन गरिएको पत्र पोस्ट गरेका छन् । जसमा क्यानडाले अघिल्लो अमेरिकी करको बदला लिएकोमा आलोचना गरिएको छ ।

नयाँ कर आंशिक रूपमा क्यानडाबाट फेन्टानिलको प्रवाहका साथै कथित रूपमा अनुचित व्यापार अभ्यासहरूको कारणले भएको बताइएको छ । यदि क्यानडाले फेन्टानिलको प्रवाह रोक्न संयुक्त राज्य अमेरिकासँग सहकार्य गरे शुल्कमा समायोजन गर्ने समेत बताएका छन् ।