काठमाडौँ: नेपाली भाषा–साहित्यका आदिकवि भानुभक्त आचार्यको २१३औँ जन्मजयन्ती आज देश तथा विदेशमा विभिन्न कार्यक्रम आयोजना गरी मनाइँदैछ।

वि.सं. १८७१ साल असार २९ गते तनहुँमा जन्मिएका भानुभक्त आचार्यको वि.सं. १९२५ साल असोज ६ गते तनहुँकै सतीघाटमा निधन भएको थियो। नेपाली भाषामा रामायण अनुवाद गरी साहित्यमा पुर्‍याएको योगदानका कारण उनी नेपाली साहित्यका आदिकविका रूपमा परिचित छन्।

यस अवसरमा नेपाल प्रज्ञा–प्रतिष्ठानले प्रतिनिधिसभाका सभामुख डीपी अर्यालको उपस्थितिमा २१३औँ भानु जयन्ती विशेष कार्यक्रम आयोजना गरेको छ। कार्यक्रमअन्तर्गत काठमाडौँमा प्रभातफेरी पनि निकालिएको थियो।

भानु जयन्तीका अवसरमा देशका विभिन्न स्थान तथा विदेशमा रहेका नेपाली समुदायले पनि साहित्यिक गोष्ठी, कवि सम्मेलन, सांस्कृतिक कार्यक्रम र श्रद्धाञ्जलिसभा आयोजना गरी आदिकविप्रति सम्मान व्यक्त गरिरहेका छन्।