काठमाडौं: विशेष अदालतले नेकपा (एमाले)का उपाध्यक्ष विष्णुप्रसाद पौडेलविरुद्ध दायर सम्पत्ति शुद्धीकरण सम्बन्धी मुद्दामा थुनामा नराखी साधारण तारेखमा रिहा गर्न आदेश दिएको छ।

शुक्रबार विशेष अदालतका न्यायाधीशहरू नारायणप्रसाद पौडेल, डिल्लीरत्न श्रेष्ठ र विदुर कोइरालाको संयुक्त इजलासले प्रारम्भिक सुनुवाइपछि पौडेललाई साधारण तारेखमा राखेर मुद्दाको पुर्पक्ष गर्ने आदेश दिएको हो।

अदालतले आवश्यक कानुनी प्रक्रिया पूरा गर्दै थुनछेक आदेश जारी गरेको जनाएको छ। आदेशअनुसार पौडेल अब साधारण तारेखमा उपस्थित हुँदै मुद्दाको सुनुवाइ प्रक्रिया सामना गर्नेछन्।